வெளியிட்ட தேதி : 01.12.2021

What should you do when you drop your phone in water?

செல்போன் கைத்தவறி தண்ணீரில் விழுந்துவிட்டால்.... அந்த‌ ஒரு நொடி பதற்றம் என்பது எல்லோருக்குமே இருக்கும். ஆனால் பதற்றம் அடையாமல் உடனே விரைந்து செயல்பட்டால் சேதமில்லாமல் சிலவற்றை தவிர்க்க‌ முடியும்.

குறிப்பாக இப்போது வரும் ஸ்மார்ட்போன்களில் அதிக டெக்னாலஜி வசதியினால் அதிக‌ விலையாகின்றது. அதனால் ரிப்பேர் கடையில் கொடுத்தால் செலவுதான்........ சில ஸ்மார்ட்போன்கள் வாட்டர் மற்றும் டஸ்ட் ரெசிஸ்டண்ட் ப்ரொட்டெக்சன் போன்ற‌ வசதியுடன் வருகிறது. என்றாலும் தண்ணீரில் விழுந்தாலோ அல்லது மழைத்தண்ணியில் நனைந்தாலோ ஃபோன் சேதமடைகிறது. பொதுவாக‌ தொடுதிரைதான் தண்ணீரினால் பாதிப்படைகின்றது. குறைந்தது ரூ. 3000 முதல் 5000 வரை காலி செய்துவிடும்.

நம்மில் பலர் மழைக்காலங்களில் தண்ணீரால் பல‌ பிரச்சினைகளை அனுபவிக்கிறோம். என்னதான் குடை, ரெயின் கோட் அணிந்தாலும், கையினில் இருக்கும் ஈரப்பதம், சொட்டும் தண்ணீரால், தற்செயலாக ஸ்மார்ட்போனை சேதப்படுத்தும் வாய்ப்பு எப்போதும் உள்ளது. உங்கள் ஸ்மார்ட்போனை சேமிக்க என்ன செய்ய வேண்டும்? முதலில், தவறான ஆலோசனையைப் பின்பற்றாதீர்கள்!. எனவே, உங்கள் ஸ்மார்ட்போன் தண்ணீரில் மூழ்கினால் நீங்கள் பின்பற்ற வேண்டிய சில எளிய குறிப்புகள் இங்கே.

பொதுவாக செல்போன் தண்ணீரில் விழுந்தால் என்ன செய்யலாம்?

  • உங்கள் ஸ்மார்ட்போன் தண்ணீரில் விழுந்தால் பதட்டப்படாமல் உடனே ஸ்மார்ட்போனை தண்ணீரிலிருந்து வெளியே எடுக்க வேண்டும்.
  • தண்ணீரிலிருந்து எடுத்த ஸ்மார்ட்போனை ஆன் செய்யாமல், முதலில் சுவிட்ச் ஆப் செய்ய வேண்டும். உங்கள் ஸ்மார்ட்போன் சுவிட்ச் ஆப்-ஆகவில்லை என்றால் பவர் பட்டனை அழுத்திப் பிடித்தால் போதும் உடனே சுவிட்ச் ஆப்-ஆகிவிடும்.
  • குறிப்பிட்ட நேரம் வரை உங்கள் ஸ்மார்ட்போன் ஆன் செய்யாமல் இருப்பது நல்லது. ஸ்மார்ட்போனை அணைத்த பிறகு, சுத்தமான மற்றும் உலர்ந்த துணியை எடுத்து அதை நன்றாக துடைக்கவும். பின்னர், முடிந்தவரை அதிக ஈரப்பதத்தை உறிஞ்சுவதற்கு காகித திசுக்கள் அல்லது மிருதுவான‌ காட்டன் துண்டில் போர்த்தி விடுங்கள். ஹெட்ஃபோன்கள், கேபிள்கள், சிம் கார்டு மற்றும் மெமரி கார்டுகளை அகற்றவும். இதற்குப் பிறகு, ஸ்மார்ட்போனை வெவ்வேறு கோணங்களில் அசைக்க (குலுக்கவும்) முயற்சிக்கவும், இதனால் கூடுதல் தண்ணீர் இருந்தால் வெளியேற்றம் செய்துவிடும்.
  • ஸ்மார்ட்போன் சுவிட்ச் ஆப் நிலையில் இருக்கும் போது சார்ஜ் செய்தல் கூடாது, ஒருவேளை நீங்கள் ஸ்மார்ட்போனை சார்ஜ் செய்தால் வெடிக்கவும் வாய்ப்புள்ளது.
  • சிலர் ஸ்மார்ட்போனில் இருக்கும் தண்ணீரை உலர‌ வைக்க‌ மைக்ரோவேவ் ஓவன், ஹெயர் டிரையர் அல்லது நெருப்பு போன்றவற்றை பயன்படுத்துவார்கள், அவ்வாறு செய்யக்கூடாது.
  • ஸ்மார்ட்போனில் இருக்கும் தண்ணீரை எடுக்க முதலில் சூரியஒளியைப் பயன்படுத்துவது மிகவும் நல்லது, சூரியஒளி வெப்பத்தால் உடனே ஸ்மார்ட்போனில் இருக்கும் தண்ணீரை உலர்த்த முடியும்.
  • ஈரப்பதத்தை உறிஞ்சும் சாச்செட்டுகளுடன் காற்றுப்புகாத பெட்டியில் ஃபோனை வைத்து மூடுவதே சிறந்த தீர்வாக இருக்கும், ஆனால் எல்லா நேரத்திலும் ஈரப்பதத்தை நீக்கும் கருவிகள் கையில் இருப்பதில்லை.
  • தானியங்கள் ஈரப்பதத்தை உறிஞ்சுவதில் சிறந்தவை. சமைக்கப்படாத அரிசி ஒரு மாற்று தீர்வாக இருக்கும். குறைந்தபட்சம் 24-48 மணிநேரம் மொபைலை அரிசியில் முழுவதுமாக மூழ்க வைக்கவும். இருப்பினும், அரிசி நிறைய தூசியை உருவாக்குகிறது, இது ஸ்மார்ட்போன்களுக்கு நல்லதல்ல.
  • செல்போன் தண்ணீரில் விழுந்துவிட்டால், நீரின் வகை மற்றும் ஆழத்தைப் பொறுத்து அதை மீட்டெடுக்க‌ முடியும். அசுத்தமான தண்ணீரைக் கொண்ட ஆழமான வடிகாலில் விழுந்து, உங்கள் செல்போனை பார்க்க முடியவில்லை என்றால், அதை மறந்துவிடுங்கள்.
  • அதுவே, ஒரு ஆழமற்ற சுத்தமான தண்ணீரில் விழுந்தால், அதை வெளியே எடுக்க முடிந்தால், அதை வெளியே எடுத்து, தண்ணீர் முழுவதையும் கொட்டி உலர‌ விட்டு, அரிசி போன்றவற்றில் காயவைக்க முயற்சிக்கவும் அல்லது முடிந்தால், சாத்தியமான வழிகளைப் பற்றி உற்பத்தியாளரின் ஹெல்ப்லைனில் பேசவும்.
  • எப்படியிருந்தாலும் உங்கள் செல்போனை ஆன் செய்ய முடியாத நிலை ஏற்பட்டால் உடனடியாக அதற்கான சர்வீஸ் செண்டரில் கொடுத்துவிடுவது சிறந்தது.
புதுப்புது தொழில்நுட்ப / டெக்னாலஜீ செய்திகள், அறிமுகமாகும் கருவிகள் பற்றிய விமர்சனங்கள், தகவல்களை உடனுக்குடன் தமிழில் பெற பேஸ்புக் : @tamilgodorg மற்றும் ட்விட்டர் : @tamilomg ஐ பின் தொடருங்கள்.